سلام عليكم يادكتور
انا عندى عدة اسئلة وياريت وقت حضرتك يسمح بالرد عليها:
1.طالعله حبوب صغيرة فى وشه وديته عند اكتر من دكتور واغلبهم قال ان دى هرمونات منى وهاتروح مع الوقت وكتبوله مراهم فيها كورتيزون كنت كل مااستخدم واحد فيهم يعمله التهاب فى وشه...فبطلتها كلها المشكلة بقى انها بتروح وتيجى بس دايما بيقعد يقطع فى وشه بصوابعه وضوافره وبعدها بتظهر علطول فى وشه...مش قادرة اعرف دى ايه حساسية مثلا طب من ايه؟ من اللبن ؟ لانه بيرضع طبيعى مش عارفة
2. بيتمطع كتيراوى اوى ويقعد يخربش فى وشه جامد كل مايضحى من النوم او وهو بيرضع او لما يعيط
3.بطنه منتفخة شوية من الجانبين يعنى رفيعة من فوق ونازلة على عريضة
4.نظرته بيحصل فيها حول اوقات
5. بينام قليل اوى وبالليل تقريبا مش بينام من واحدة بالليل لحد تانى يوم 10 الصبح وبيبقى عايز يرضع طول الوقت
ياترى ايه اسباب كل الحاجات دى

طفلي بيتمطع كتير و بينام قليل اوى

السلام عليكم و رحمة الله و بركاته أخت أم كريم ,

1- يرجح أن تكون الحبوب التي على وجه الطفل نوع من حب الشباب و هي تشفى لوحدها ,و لا انصح باستخدام الكورتيزون و هي ليست بسبب اللبن مطلقاٌ و الافضل الباس الطفل القفازات لكي لا يخدش وجهه

2- و تمطع الطفل أمر طبيعي في هذا العمر , و يفيد تخفيف اللباس و تدليك الطفل والحمام اليومي في تخفيف ذلك

3- و شكل البطن الذي تصفينه طبيعي في هذا العمر

4- و الحول أمر طبيعي عند أغلب الأطفال خلال السنة الأولى و لا داعي للقاق إلا اذا استمر لما بعد عمر السنة

5- قد يستمر نمط نوم الطفل ما بعد الولادة كما كان قبل الولادة , أي أن ابنك عندما كان جنيناً في بطنك كان ينام ناهراً و يستيقظ ليلاً و هذا ما يفعله حالياً , و لكنه لن يستمر هكذا و سينتظم نومه خلا أشهر قليلة و عليك بالصبر ,

و ارجو زيارة صفحة مواصفات الطفل بعمر شهرين هنا 

أتمنى لكم الصحة بعون الله