خروج دم من مهبل الطفلة حديثة الولادة

معلومات الإستشارة

رقم الإستشارة : 1497
المرسل : emma
البلد : مصر
التاريخ : April 15, 2011, 1:33 pm
مرات القراءة : 44542

معلومات الطفل

اسم الطفل : koky
تاريخ ولادته : 15-5-2010
عمره : 11شهر
جنسه : أنثى
محيط رأسه : 43سم
وزنه : 11كغ
طوله : 70سم
تغذيته : حليب الأم

معلومات إضافية

تغذية إضافية : تقريبا معظم الخضار والفاكهه ووجبات سيريال
سوابق هامة :
سوابق عائلية :

نص الإستشارة

انا بنتى بعد الولاد ب4 ايام لاقيت فى البامبرز سلك دم نازل من الفرج انا كنت عارفه انها زيادة هرمونات لكن توجهت للطبيب لزيادة الاطمئنان فقام باعطاها حقنه هحاول اكتب اسمها لان الحروف غير واضحه Epikauit وخدت ربع سم وفعلا الدم انتهى وبعد كام يوم حسيت ان صدرها انتفخ اكتر من الاول بس مروحتش للدكتور وقولت هيخف لوحده لانى عارفه انى دى حاجه طبيعيه برده بس انا اهملتها شويه مكنتش ببص عليه كل يوم وقولت اشوفه بعد كام يوم لاقيته احمر وملتهب فقولت لا انا هروح للدكتور بكره وكانت طبعا مبتبطلش عياط ليل نهار ولا كانت بتنام غير قليل او لما كنا بنشيلها على كتفنا كانت بتصوت بس مكناش نعرف ان صدرها هوا اللى تاعبها ولما روحنا لدكتور الاطفال قال صدرها ملتهب جدا وواضح ان فيه صديد لازم تعرضوها على دكتور جراحه حالا وروحنا له قال هتعمل عمليه دلوقتى عشان ينظف الصديد وخدت بنج كلى فى مستشفى التيسير وكان عندها 24 يوم وهوا اللى عمالها فى الناحيتين من صدرها وقال اكيد فى حد عصر صدرها بس محدش عمل كده خالص انا يمكن اهملت انى سبت صدرها لحد مبقى ملتهب بس محدش عصرة فمعرفش الحقنه اللى خدتها الاولى هيا اللى عملت كده ولا ايه وبعد معملت العمليه بشهر حسيت ان صدرها محجر روحنا لدكتور الجراحه قال هنعملها تنظيف تانى بس فى ناحيه واحده هيا اللى فيها الصديد التانيه تمام وعملها وقال انه نظف كويس ودلوقتى عندها 11 شهر وكويسه مفيش حاجه خالص ونشيطة وشقيه جدا وبحس انها زكيه بتفهم بسرعه بس انا عايزه اطمن اللى حصل ده ممكن ياثر على صدرها فعلا لما تكبر او يكون فيه عجر
او خلل فى خلايا او هرمونات صدرها لو سمحت يادكتور طمنى وهكون شاكره ليك جدا

رد الطبيب

السلام عليكم أختي الكريمة

خروج دم من مهبل الطفلة حديثة الولادة هو امر طبيعي و عابر و يتوقف لوحده عند الاطفال حديثي الولادة

و كذلك تورم الثديين الذي قد يستمر لايام او اسابيع او اكثر

و سبب هاتان الظاهرتان هو انقطاع الهرمونات التي كانت تتلقاها الطفلة من الام خلال الحمل

و حالات قليلة قد تصاب بانتان ثانوي بالعنقوديات و تؤدي لحدوث خراج و تحتاج للتفجير الجراحي كما حصل مع طفلتك

و هذا لن يؤثر على ثدي الطفلة مستقبلاً

و ارجو زيارة صفحة تورم  و انتفاخ الثدي عند الرضع هنا

و لا داعي للقلق

اتمنى لكم الصحة بعون الله

الأولىالسابق149614971498التاليالأخيرة