طفلي عنده ارتجاع للحليب
معلومات الإستشارة
معلومات الطفل
معلومات إضافية
نص الإستشارة
ابنى جاله من اسبوعين دور برد شديد جدا جدا وهو فى نهاية دور البرد دة جاله اسهال شديد اوى
واستمر 5 ايام وبعدها اتحسن شوية ومن يومين ارتفعت حرارتة تانى وجاله اسهال عدد مرات كتير اوى لكن كميات بسيطة ولقيت فى الاسهال مخاط بدم استمر طول الليل وعلى الصبح فضل الاسهال لكن اختفى الدم علما بان الاسهال اخضر اوى
ووديتة للدكتور كاتبله مضاد حيوى دريوسيف وانتوفار وانتينال والحمد لله الاسهال قل لكن لسة موجود واخضر ومخط شوية
ال قلقنى انه كان عندة ارتجاع ولحد دلوقتى لسة بيرجع قشط لكن دايما ممخط واحيانا المخاط يكون بنى او محمر
ممكن تفسير؟
ومن فضلك عاوزة اعرف اديله محلول اد اية لانه خس جدااااااااااااا
رد الطبيب
السلام عليكم
وزن الطفل جيد و مناسب لعمره
ما حصل عند طفلك هو نزلة معوية يرجح انها فيروسية بعد نزلة البرد
و طفلك لديه ارتجاع قديم
و حالات الارتجاع تزداد مع النزلات المعوية
و وجود المخاط او القشط في ارتجاع الحليب امر طبيعي و هذا القشط عبارة عن حليب مهضوم جزئياً مع مفرزات المعدة
و انصح بإيقاف كل الادوية و اعطاء الطفل محلول منع الجفاف بمقدار كأس شاي بعد كل إسهال
و ارضاع الطفل كثيرا من الثدي
و مراجعة طبيب الاطفال في حال عدم تحسن الطفل