نكد الطفل في الليل
معلومات الإستشارة
معلومات الطفل
معلومات إضافية
نص الإستشارة
السلام عليكم
بنتي عمرها خمس شهور ما بتنام ابدا خلال النهار الا اذا كانت بحضني واذا حطيتها بسريرها بتصحى على طول المشكله انها كانت تنام خلال الليل من وقت ما كان عمرها شهر ونص كانت تنام اقل شي 5-6 ساعات متواصلة وبعد ما كملت ال 3 شهور صارت تنام 8 ساعات طبعا يمكن يوم بالشهر تصحى بدها ترضع بس كان نومها ممتاز جدا و من فتره صارت تبكي كتير وهي نايمه مرات صارت تصحى بدها ترضع ومرات بس اطبطب عليها شوي او احملها بتسكت المهم اني اروح عندها وانا من كتر التعب صرت لما تنكد انيمها جنبي وبعرف انه مش صح بس ما بقدر اضل رايحه جاي ولا انام بليل ولا بالنهار وما بترضى ابوها يروح يشوفها بتصير تبكي اكتر بدها اياني انا . كمان صرت احس انها ما بتشبع مني مع انو الحليب الحمدلله موجود بس كل الوقت بتضلها تمص ايدها او حرامها وبجرب ارضعها بترضع !! وزنها مش كتير بيزيد مع انه بالمعدل الطبيعي بلشت من كم يوم اعطيها خضار مسلوقه كل 3 ايام ادخللها نوع بس يعني يا دوب الكميه اللي بعطيها اياها قد ملعقه كبيره مع انه بيكون بدها كمان بس ما برضى لانه لسا جديده عالاكل وبحكي خلي معدتها تتعود . وجبتلها حليب صناعي لكن خايفه اعطيها منه بهاي الفتره خصوصا لانه بلشنا بالاكل وبديش تتعب معدتها . اعطيها حليب عالاقل قبل النوم؟ وهل ممكن يكون نكدها بالليل سببه عدم تقبلها للاكل ؟؟ والا خوف ..وهل فعلا يتعارض اعطائها الحليب الصناعي لاول مره مع كونها بلشت جديد بالاكل.. اعتذر عن الاطاله وشكرا جزيلا
رد الطبيب
السلام عليكم و رحمة الله اخت نيفين
كلما تقدم الطفل و الإنسان بالعمر قلت حاجته للنوم !
فما يحدث من تراجع ساعات النوم عند طفلتك أمر طبيعي
كما أن الطفل كلما تقدم بالعمر يصبح اجتماعيا أكثر
أي انه يريد البقاء مع من يحب وهو الأم أولا وأخيرا
لذلك هي تبحث عنك حتى في نومها
كما أن أسنان الطفل تبدأ بالبزوغ بعمر 5 إلى 6 أشهر و قد تسبب له بعض الضجر والألم و الرغبة بعض كل شيء
و الطفل ذو الوزن الطبيعي هو طفل يشبع
و لا أنصحك بالحليب الصناعي
و إنما إدخال التغذية الإضافية تدريجياً
و قد يكون نكد الطفل الرضيع بالليل أحد ما يلي :
- الجوع
- البرد
- الحر
- كثرة اللباس
- الحاجة للاطمئنان بأن الأم موجود بجانبه
- الحاجة لغيار الفوطة
- بزوغ الأسنان
- التحسس من بعض الأطعمة : مثل حليب البقر....
- المرض: مثل الزكام والتهاب الأذن الوسطى
- ديدان الحرقص عند الرضع الكبار
- أمراض أخرى...
و في حال كان نكد الطفل مزعجا و واضحا في الليل فيجب فحص الطفل من قبل طبيب الاطفال
و بشكل عام أرى أن طفلتك بخير و لا داعي للقلق